Las vischnancas ston procurar ch'i stettia a disposiziun per cumbatter donns avunda aua da stizzar fieus cun ina pressiun suffizienta en las zonas da construcziun ed en las autras zonas d'utilisaziun. En territoris da construcziun ston perquai vegnir installads idrants correspundents.
Ils pumpiers da la GVG controlleschan periodicamain la capacitad dal provediment cun aua da stizzar fieu en las vischnancas. La GVG paja contribuziuns als custs per ils idrants.
Dumondas da contribuziun
Dumondas da contribuziun al provediment cun aua da stizzar fieu cuntegnan ils suandants documents:
- classificaziun tenor gener da lavur cun decisiun da surdada
- offerta da surdada tenor gener da lavur
- plans
- repartiziun dals custs cun dretg da survegnir contribuziuns
Vus pudais inoltrar electronicamain las datas. Il meglier pachetais Vus tut las datas en ina datoteca ZIP cun in num adattà (p.ex. Dumonda da contribuziun_Cuira.zip) e chargiais si ella cun il suandant link per mauns dals pumpiers da la GVG: Upload Daten
Rendaquints da las contribuziuns
Vus pudais er inoltrar a moda electronica rendaquints da las contribuziuns via quest link. Quels rendaquints cuntegnan:
- tut ils quints
- repartiziuns dals custs cun dretg da survegnir contribuziuns
- plan da la lavur exequida
Ulteriuras explicaziuns chattais Vus en las directivas davart las contribuziuns da la GVG per il provediment cun aua da stizzar fieu.
Per dumondas As stat gugent a disposiziun signur Christian Flütsch sut christian.fluetsch@gvg.gr.ch, 081 258 90 92 ubain 079 239 51 47.